Er fy mod i wedi dweud bod y gweithgaredd hwn yn ymwneud â Mathew 2:1-12, gallech chi hefyd ddefnyddio Luc 2:1-21 a Luc 1:26-27 i helpu gydag adrodd stori’r Geni drwy'r gweithgaredd hwn.

Anogwch blant i ddefnyddio eu dychymyg a'u creadigrwydd wrth iddyn nhw liwio'r cymeriadau. Torrwch nhw allan yn ofalus, a chysylltwch y tabiau mewn cylch y tu ôl i'r cymeriad gan ddefnyddio tâp selo. Mae'r cymeriadau bellach yn barod i eistedd ar fysedd ac actio'r stori!

Fe allech chi hefyd torri’r tabiau ar y cymeriadau i ffwrdd a'u gludo i ffyn lolipop yn lle - efallai y bydd y pypedau bysedd ychydig yn rhy fawr i'r bysedd lleiaf, a gallai hyn fod yn un ffordd o addasu'r gweithgaredd i gyd-fynd â phob oedran a gallu.

Mae'r gweithgaredd ar gael yn y Gymraeg a'r Saesneg, sy'n ei gwneud yn ddelfrydol ar gyfer sefyllfaoedd eglwysig dwyieithog. Mae'r ddau ar PDFs ar wahân fel y gallwch chi argraffu faint bynnag o bob un sydd ei angen arnoch chi yn hawdd. Maent mewn du a gwyn ac yn cymryd un dudalen yr un i geisio lleihau eich costau argraffu.

Os ydych chi'n bwriadu gwneud hyn gyda grŵp yn yr eglwys, yn ystod gwasanaeth neu fel gweithgaredd Ysgol Sul, meddyliwch yn ofalus am oedrannau a galluoedd eich plant. Efallai y bydd rhai yn gweld y torri allan ychydig yn anodd, felly byddwch yn barod i'w torri allan ar ôl i'r plant orffen lliwio. Gallech dorri rhai allan ymlaen llaw, ond bydd hyn yn gwneud y lliwio'n anoddach i'r plant ac efallai y byddant yn colli rhai darnau. Bydd angen i chi hefyd eu helpu i gludo'r tabiau yn eu lle â thâp selo.

Mae'r cyfarwyddiadau'n cynnwys darnau awgrymedig o'r Beibl i ddysgu stori'r Geni ac awgrymiadau ar sut i ddefnyddio'r gweithgaredd a’i addasu yn ôl eich grŵp.

Darllenwch fwy ar fy mlog neu ewch draw i'm siop Etsy.